“Xəzərin sahilindən…” – ekrandan kitaba
Verilişin 10 yaşı tamamlanır və telesilsilənin materialları kitab şəklində işıq üzü görüb. Təqdimatda dövlət və media nümayəndələri iştirak edib.
Ölkənin müxtəlif telekanallarında yayımlanan “Xəzərin sahilindən…” verilişinin 10 yaşı tamam olur. Milli mətbuatın yaranmasının 151-ci ildönümü ərəfəsində telesilsilənin materialları kitab şəklində işıq üzü görüb.
Layihənin rəhbəri və aparıcısı sənətşünaslıq üzrə fəlsəfə doktoru Fəxriyyə Lilpardır. Təqdimatda ADPU-nun prorektoru professor Mahirə Nağıqızı, Milli Məclisin üzvü Jalə Əliyeva, professor Qulu Məhərrəmli, Baba Vəziroğlu, professor Etibar Babayev, Fəxriyyə Xələfova və digərləri çıxış edib.
Kitabın diqqətçəkən özəlliyi interaktiv formatdır: hər müsahibənin önündə QR kod yerləşdirilib və oxucu birbaşa YouTube versiyasına keçid edə bilir.
